İşğal faktı rəqəmlərdə
Dağlıq Qarabağ: işğal tarixi - 1988-1992-ci illər, ərazisi - 4400 kv.km; Şuşa rayonu: işğal tarixi - 8 may 1992-ci il, ərazisi - 289 kv.km; Laçın rayonu: işğal tarixi - 18 may 1992-ci il, ərazisi - 1840 kv.km; Kəlbəcər rayonu: işğal tarixi - 2 aprel 1993-cü il, ərazisi - 3054 kv.km; Ağdam rayonu: işğal tarixi - 23 iyul 1993-cü il, ərazisi - 1150 kv.km; Cəbrayıl rayonu: işğal tarixi - 23 avqust 1993-cü il, ərazisi - 1050 kv.km; Füzuli rayonu: işğal tarixi - 23 avqust 1993-cü il, ərazisi - 1390 kv.km; Qubadlı rayonu: işğal tarixi - 31 avqust 1993-cü il, ərazisi - 802 kv.km; Zəngilan rayonu: işğal tarixi - 29 oktyabr 1993-cü il, ərazisi - 707 kv.km.

AŞ PA-da "Azərbaycanın Dağlıq Qarabağ və digər işğal edilmiş ərazilərində gərginliyin artması" adlı məruzənin hazırlanması üçün məruzəçi təyin edilib

AŞ PA-da

02.10.2014

Bu gün Avropa Şurası Parlament Assambleyasının (AŞ PA) Siyasi məsələlər komitəsinin iclasında "Azərbaycanın Dağlıq Qarabağ və digər işğal edilmiş ərazilərində gərginliyin artması" adlı məruzənin hazırlanması üçün məruzəçi təyin edilib.

Trend-in məlumatına görə, yeni məruzəçi britaniyalı deputat Robert Volter təyin olunub.

R.Valter Böyük Britaniyanın AŞ PA-da nümayəndə heyətinin rəhbəridir. Avropa demokratlar siyasi qrupunun üzvü və AŞ PA-nın vitse-prezidenti olan R.Valter həm də qurumun Daimi və Monitorinq komitələrinin üzvüdür.

Sözügedən məsələyə dair məruzəçi postuna digər namizəd AŞ PA-nın keçmiş sədri, Fransanın nümayəndə heyətinin üzvü Jan-Klod Minyon idi.

Qeyd edək ki, AŞ PA Bürosu bir müddət əvvəl keçirilmiş iclasında "Azərbaycanın Dağlıq Qarabağ və digər işğal edilmiş ərazilərində gərginliyin artması" adlı yeni məruzənin hazırlanması məsələsinə müsbət münasibətini bildirmiş və mövzu üzrə məruzəçi təyin edilməsi üçün Siyasi məsələlər komitəsinə müraciət etmişdi.

Bu, Ermənistan siyasi dairələrində ciddi narahatlıq doğurmuş və onlar məsələnin müsbət həllinə mane olmaq üçün müxtəlif təxribatlara əl atmışdılar. AŞ PA-da Ermənistan nümayəndə heyəti məruzəçinin təyin edilməsinə ehtiyac olmadığını bildirmiş, bunu ATƏT-in Minsk qrupunun səlahiyyətində olması ilə izah etmişdi.