Qarabağdakı erməni işğal rejiminin başçısı Araik Arutyunyan, ərazi inteqrasiyasının zəruriliyinə ehtiyac olduğunu bildirərək, Ermənistanın Qarabağ siyasətinin işğalçı mahiyyətini açıq şəkildə etiraf edib.

Virtualaz.org bildirir ki, "Novosti Armeniya” agentliyi separatçıların liderindən sitat gətirib: "Bizim son məqsədimiz-Ermənistanla vahid vətəndir".

Bununla, Ermənistan hökumətinin başçısı Nikol Paşinyanın danışıqlar prosesinin üçüncü aktorunun – "DQR" in sülh prosesində təmsil olunmalı olduğuna dair bütün arqumentləri hər cür əsaslardan məhrum olur. Əgər “DQR” “prezidentinin” özü separatçıların əsas məqsədinin Ermənistanın Qarabağla ərazi birliyinin hüquqi cəhətdən tanınması olduğunu bəyan edirsə, Qarabağ münaqişəsinin hansı üçüncü tərəfindən söhbət gedə bilər?

Bununla yanaşı, A. Arutyunyan etiraf edir ki, tarixi perspektivdə işğalçılıq zonasının Ermənistanla birləşməsi heç də asan məsələ deyil: "Amma realist olmaq lazımdır. Bilirik ki, bu məsələnin on il ərzində həll olunması şansı çox azdır. Mümkün deyil, bunu görmürük".

Bəs erməni işğalçı hakimiyyəti və separatçı təsisatlar öz məkrli və təcavüzkar niyyətlərinin reallaşdırılmasını necə təsəvvür edirlər?

Separatçıların lideri açıq şəkildə Azərbaycana qarşı təcavüzkar hərəkətlərə çağırır: "Buna görə də ordunu gücləndirərək düşməni erməni gücünə alışmağa, münaqişənin qismən həllinə səbəb ola biləcək böyük geosiyasi inkişaflara qədər status-kvonu qorumağa məcbur etməliyik".

Beləliklə, "sülhməramlı" N.Paşinyanın və "konstruktiv" Ermənistan hökumətinin Azərbaycanı həddindən artıq təcavüzdə günahlandıraraq davamlı hücumları, Qarabağ münaqişəsinin həlli ilə bağlı öz təsəvvürləri ilə əlaqəli deyil. Erməni separatizminin liderləri açıq şəkildə Azərbaycan xalqına qarşı təcavüzkar və hərbi əməliyyatlara çağırırlar…

Virtualaz.org