Loading...
ABŞ Azərbaycana və Ermənistana sülhə nail olmağa kömək etməyə hazırdır - Dövlət Departamenti

ABŞ Azərbaycana və Ermənistana sülhə nail olmağa kömək etməyə hazırdır - Dövlət Departamenti

15-04-2022

ABŞ Azərbaycan və Ermənistana hərtərəfli sülhə nail olmağa kömək etməyə, həmçinin ATƏT-in Minsk qrupu vasitəsilə hazırdır.

Trend xəbər verir ki, bunu ABŞ Dövlət Departamentinin mətbuat xidmətinin rəhbəri Ned Prays jurnalistlər üçün keçirilən brifinq zamanı deyib.

"Biz Cənubi Qafqaz regionu üçün dinc, demokratik və firavan gələcəyin təşviqinə sadiq qalırıq. Biz Ermənistanın baş naziri Nikol Paşinyan ilə Azərbaycan Prezidenti İlham Əliyev arasında aprelin 6-da Brüsseldə keçirilən görüşü, o cümlədən sülh danışıqlarına hazırlığın müsbət dinamikasını və sərhədlərin delimitasiyası üzrə ikitərəfli komissiyanın formalaşdırılmasını alqışlayırıq. ABŞ dövlət katibi Entoni Blinkenin bir gün əvvəl, aprelin 5-də hər iki liderlə danışıqları zamanı vurğuladığı kimi, biz Ermənistan və Azərbaycan arasında gələcək sülh danışıqlarını təşviq etməyə davam edirik. Dövlət katibi bir daha təsdiqləyib ki, ABŞ uzunmüddətli hərtərəfli sülhə nail olmaq üçün həmfikir tərəfdaşlarla, o cümlədən ATƏT-in Minsk Qrupunun həmsədri kimi ikitərəfli əməkdaşlıq etməyə hazırdır", - deyə N.Prays bildirib.

Trend.az